Медициналық пункт

Астана қаласы әкімдігінің «Медициналық колледж» МҚКК-да

медициналық қызмет көрсетуді ұйымдастыру

Медициналық пункттің қызметі 2019 жылдың 04 қарашадағы №19021856 дәрігерге дейінгі алғашқы медициналық-санитарлық көмек көрсетуге мемлекеттік лицензия негізінде жүзеге асырылады.

Медициналық пункттің негізгі міндеттері болып табылады:

• жалпы және жұқпалы аурулардың, мүгедектіктің, өлімнің алдын алу мен азайтуға бағытталған алғашқы медициналық-санитарлық көмекпен қамтамасыз ету;
• салауатты өмір салтын қалыптастыру бойынша іс-шараны ұйымдастыру және өткізу;
• студенттерге санитарлық-гигиеналық тәрбие беру;
• әскерге дейінгі және әскер жасындағы бозбалалардың психофизикалық дайындығы деңгейін арттыру;
• жастардың репродуктивті денсаулығы деңгейін арттыру.

Медициналық пунттің қызметін жүзеге асыру үшін мейірбике лауазымы енгізілді, оның «Жалпы тәжірибедегі мейірбике» сертификаты бар.

Медициналық пунктте (жалпы ауданы 38,6 шаршы метр) 3 кабинет бар:

• қабылдауға арналған;
• процедуралық;
• изолятор.

Кабинетте мейірбикенің жұмыс кестесі бар, ол №3 студенттік емханадағы алдын алу жұмыстарын өткізуді есептеумен құрылады.